Madaxweynaha Bangiga Dhexe ee Yurub (ECB), Christine Lagarde, ayaa Talaadadii wareysi ay siisay CNBC ku sheegtay in ay wali jirto “fursad” lagu furo wada-hadallo ku saabsan canshuuraha ganacsiga oo lala yeesho Mareykanka.
“Siyaasadda ganacsi ee Mareykanku waxay saameyn ku leedahay aragtideenna dhaqaale — mid togan iyo mid tabanba,” ayay tiri Lagarde. “Saamaynta guud ee canshuuraha wali lama saadaalin karo si buuxda.”
Waxay intaa ku dartay in aysan jirin calaamado muujinaya in Midowga Yurub uu galayo xaalad dhaqaale oo hoos u dhac ah (recession), hase yeeshee waxay sheegtay in wada-xaajoodka ku saabsan canshuuraha ganacsiga uu qaadan karo 75 ilaa 100 maalmood.
Lagarde waxay hoosta ka xarriiqday in dhaqanka ganacsi ee Yurub uu si daacad ah ula macaamilay Mareykanka, isla markaana ay muhiim tahay in xiriirka labada dhinac si taxaddar leh loo xafido oo loo qiimeeyo.