Dareenka macaamiisha ee Mareykanka ayaa hoos u sii dhacay bishii Abriil, isagoo gaaray 52.2, sida lagu sheegay warbixintii ugu dambeysay ee bishan oo ay Jimcihii daabacday Jaamacadda Michigan. Heerka tusahan ayaa hoos u dhacay 8.4% marka la barbar dhigo bishii hore, iyo 32.4% marka la eego isla bisha sanadkii hore.
Sidoo kale, Tusaha Xaaladda Dhaqaale ee Hadda (Current Economic Conditions Index) ayaa hoos u dhacay 6.3% marka la barbar dhigo Maarso 2025, wuxuuna hoos u dhacay 24.3% marka la barbar dhigo Abriil 2024, isagoo gaaray 59.8 dhibcood.
Tusaha Rajada Macaamiisha (Index of Consumer Expectations) ayaa isna lumiyay 10.1% bishii la soo dhaafay iyo 37.8% sanadkii la soo dhaafay, wuxuuna hadda taagan yahay 47.3.
Joanne Hsu, oo ah Agaasimaha Sahanka Macaamiisha, ayaa warbixinta ku tiri:
“Dareenka macaamiisha ayaa hoos u dhacay afaraad bil oo xiriir ah, iyadoo uu dhacay 8% marka la barbar dhigo bishii Maarso. In kasta oo hoos u dhaca xaaladda hadda ay ahayd mid yar, hadana tusaha rajada ayaa si weyn u dumay, iyadoo sabab looga dhigay hoos u dhac ku yimid dhaqaalaha shakhsiga ah iyo xaaladaha ganacsi.”