Maamulayaasha lacagaha ugu waa weyn adduunka ayaa si ballaaran u bilaabay inay iibsadaan bonds-ka dowladda Ingiriiska (gilts), kadib markii dagaalka ganacsi ee uu huriyay Madaxweyne Donald Trump uu keenay kalsooni-darro ku dhacda suuqyada Mareykanka.
BlackRock, Vanguard, iyo Phoenix Group (oo leh Standard Life) — kuwaas oo maamula illaa $20 trillion — ayaa maalmahan dambe iibsaday balaayiin gini oo bonds ah oo Ingiriis ah, iyagoo iska diiday inay maal-geliyaan daymaha dowladda Mareykanka.
BlackRock waxay sheegtay in bonds-ka Ingiriiska hadda ay ka “soo jiidasho badan” yihiin daymaha Mareykanka (US Treasuries), maadaama canshuuraha Trump ay khatar gelinayaan magaca Mareykanka ee ah meel “badbaado u ah” hantida.
Simon Blundell, oo ah maareeye maalgashi oo gacanta ku haya bond portfolio $90 bilyan ah, wuxuu yiri:
“Toddobaadkan waxaan ku iibsanaynay gilts madalkeena.
Haddii maal-gashadeyaasha caalamka ay bilaabaan inay kala duwiyaan hantidooda ‘badbaadada’ ah oo ka leexdaan Mareykanka, waxaan u malaynaynaa in UK iyo suuqyada kale ee Yurub ay faa’iideysan doonaan.”
Vanguard iyo Maalgashadeyaal Kale oo Ka Baxaya Mareykanka
Vanguard, oo maamusha in ka badan $10 trillion, waxay sheegtay in sidoo kale ay kordhisay haysashada daymaha UK, gaar ahaan kuwa muddo dheer ah (long-dated gilts).
Tani waxay dhacday xitaa iyadoo maalgashadeyaal kale ay iibinayeen bonds-ka toddobaadkii hore, taasoo keentay in heerarka ribada (yields) ay gaaraan heerkii ugu sarreeyay tan iyo 1998.
Waqti ka mid ah, yields-ka 30-sano ee Mareykanka waxay u socdeen inay gaaraan korodhkii ugu weynaa toddobaad gudihiis tan iyo 1982, inkasta oo ay hoos u dhaceen Jimcihii.
Soo Dhawayn Siyaasadeed oo ka Imaanaysa UK
Kalsoonida la geliyay bonds-ka UK waxaa lagu soo dhawayn doonaa si farxad leh oo siyaasadeed Rachel Reeves, Wasiirka Maaliyadda, gaar ahaan haddii dagaalka ganacsi uu sababo hoos u dhac dhaqaale oo caalami ah. UK waxay hadda bixisaa £100 bilyan sanadkii oo kaliya ah danaha deymaha, sidaas darteed xitaa koror yar oo ribo ah wuxuu culays weyn saari karaa miisaaniyadda.
Ales Koutny oo ka tirsan Vanguard wuxuu yiri:
“Waxaan aragnay qulqul xoog leh oo loo jeediyay suuqyada daymaha, qeyb weynna waxay u wareegtay sanduuqyadeena UK-gaarka ah.”
Wuxuu intaas ku daray in tallaabooyinka Trump, gaar ahaan canshuuraha 145% ee Shiinaha, ay dhaawac joogto ah gaarsiiyeen dhaqaalaha Mareykanka.
Inkastoo uu Trump dib uga laabtay canshuuraha sare ee dalal badan kadib cadaadis suuqeed, haddana:
“Waxaan aaminsanahay in xanuun uu jiri doono, sidoo kalena waxyeello horay u dhacday. Suuqyada bonds-ka hadda waxay dalbanayaan abaal marin dheeraad ah si ay ula tacaalaan qalalaasaha iyo hubi la’aanta aan arkaynay,” ayuu yiri Koutny.